Sikur të mos mjaftonte furtuna e krijuar nga fotot e Mesut Ozilit me presidentin turk Erdogan dhe letra e bujshme e mesfushorit, i cili ka braktisur kombëtaren duke akuzuar për racizëm dhe mungesë respekti ndaj tij, tashmë edhe presidenti i Bajernit të Mynihut, Uli Hënes, ulet në nivele të turpshme, duke ofenduar futbollistin më origjinë turke.
Hënes, pa qenë fare i përfshirë në debat dhe pa qenë nevoja që të fliste, ka lëshuar një deklaratë të fortë, që mund të përkthehet thjesht RACIZËM.
“Jam i lumtur që mbaroi ky makth. Ai kishte vite që luante si m**“, tha Hënes për Sport Bild, tabloidi i njohur gjerman që e ka sulmuar me pa shpërblim nga të gjithë në ambientin sportiv Ozilin, i cili prej vitit 2009 ka luajtur 92 ndeshje e ka shënuar 23 gola për Gjermaninë.
“Ai fitoi për herë të fundit një përplasje në fushë para Botërorit 2014, ndërsa tani ai dhe paraqitja e tij e m***t fshihen pas një fotografie.
“35 milionë ndjekësit e tij në rrjetet sociale, që nuk ekzistojnë në jetën reale, janë të bindur se ai ka luajtur në mënyrë madhështore kur kryen një pasim të thjeshtë.
“Zhvillimi në vendin tonë është katastrofë. Duhet të kthehemi dhe ta shohim për atë që është: sport. Nga pikëpamja sportive, Ozil ka vite që nuk e meriton vendin në kombëtare”.
