Drejtues të Komunës së Mitrovicës, familjarë të dëshmorëve, veteranë dhe invalidë të Luftës së Ushtrisë Çlirimtare të Kosovës si dhe qytetarë të shumtë kanë bërë homazhe sot në Varrezat e Dëshmorëve në Mitrovicë, në kuadër të 6 Qershorit-Ditës së Dëshmorëve
Kryetarit i komunës, Agim Bahtiri, nënkryetari i komunës, Safet Kamberi, kryesuesi i Kuvendit të Komunës, Bislim Imeri, përfaqësues të institucioneve tjera lokale, familjarë të dëshmorëve, përfaqësues të organizatave të dala nga lufta dhe qytetarë të shumtë, në varrezat e dëshmorëve në Shipol, kanë bërë homazhe dhe kanë vendos buqete me lule, me rastin e Ditës së Dëshmorëve të komunës së Mitrovicës.
Me këtë rast kryetari Bahtiri, e vlerësoj lart kontributin e jashtëzakonshëm të 76 dëshmorëve nga komuna e Mitrovicës, të rënë në luftën e fundit për lirinë dhe pavarësinë e vendit.
Po ashtu ne Qendrën e Kulturës “Rexhep Mitrovica” u mbajt një manifestim për nder të kësaj dite.
Kryetari i komunës së Mitrovicës Agim Bahtiri në fjalën e ti , tha se nderimi më i madh për këta dëshmorë, është puna e përbashkët për ndërtimin e një Kosove, ku liria e arritur me shumë mund dhe sakrificë nuk guxon të keqpërdoret.
” Shënimi i ditës së Dëshmorëve të komunës sonë , të rënë për lirinë dhe pavarësinë e vendit ,është përkujtim i sakrificës, guximit dhe heroizmit i më të dashurve tuaj dhe tanë, që u flijuan duke dhënë jetën e tyre për të realizuar aspiratat shekullore të popullit për të larguar pushtuesin njëherë e përgjithmonë nga trojet tona, nderimi më i madh për dëshmorët e kombit është puna jonë e përditshme për të ndërtuar një Kosovë të zhvilluar ekonomikisht, me vende punë për të gjithë dhe me institucione demokratike që u shërbejnë njësoj të gjithë qytetarëve.”, tha ndër të tjerash kryetari i komunës Agim Bahtiri.
Ky përvjetor u organizua nga komuna e Mitrovicës, përkatësisht nën përkujdesjen e kryetarit të komunës .
