ShBA ka varrosur në det pjesët e mbetura nga trupi i kreut të organizatës terroriste DEASH, Abu Bakr al-Baghdadi i cili u vra gjatë një operacioni të ndërmarrë në fundjavë në Idlib të Sirisë, transmeton Anadolu Agency (AA).
Ka patur një kuriozitet për mbetjet e trupit të kreut të DEASH-it i cili u mor nga zona e operacionit dhe u dërgua në një bazë amerikane për testin e ADN-së.
Një zyrtar i mbrojtjes amerikane i cili nuk dëshiron të zbulojë emrin dhe i cili ka folur për AA lidhur me çështjen ka konfirmuar se trupi i Baghdadit është varrosur në det.
Zyrtari po ashtu ka thënë se nuk do të ndajë detajet lidhur me vendin dhe mënyrën e varrosjes së trupit.
Shefi i Shtabit të Përgjithshëm Mark Milley tha se mbetjet e trupit janë asgjësuar në përputhje me ligjin ndërkombëtar të luftës.
Duke u përgjigjur në pyetjen nëse trupi i Al-Baghdadit është varrosur apo jo në det brenda ditës, shefi i Shtabit të Përgjithshëm Mark Milley tha se mbetjet e trupit janë asgjësuar në përputhje me ligjin ndërkombëtar të luftës.
Kreu terrorist Al-Baghdadi u vra gjatë një operacioni të ndërmarrë me 8 helikopterë nga forcat speciale amerikane në veri të Idlibit.
Presidenti amerikan Donald Trump deklaroi se Al-Baghdadi vdiq bashkë me tre fëmijët pranë tij duke shpërthyer jelekun vetëvrasës që kishte mbi trup pasi hyri në njërin prej tuneleve pa dalje poshtë shtëpisë ku ndodhej.
