Tottenhami ishte sot mysafir i Liverpoolit në “Anfield”, me ndeshjen e luajtur në kuadër të xhiros së 30-të në Premierligë.
Pikët ishin detyrim për Tottenhamin, pasi po përballet me rënien e mundshme nga liga, andaj edhe tregoi paraqitje të madhe, para tifozëve vendas.
Ndoënse jo fitore, Tottenhami mori një pikë të artë në “Anfield”, duke barazuar 1-1 me Liverpoolin, pasi ishte në disavantazh qysh nga pjesa e parë.
Richarlisoni barazoi për Tottenhamin në minutën e 90-të, pasi Dominik Szoboszlai kishte shënuar nga goditja e dënimit në minutën e 18-të.
Tottenhami mbetet i 16-ti në tabelë, me një pikë më shumë se Nottinghami në vendin e 17-të dhe West Hami me po aq pikë, në vendin e 18-të, që të dërgon në Championship.
Ndërkohë, Liverpooli nuk e shfrytëzon gabimin e Aston Villës për të hyrë në top-katërshe, dhe kështu kalon në vendin e pestë me 49 pikë, dy më pak se Aston Villa në vendin e katërt.
Xhiron e ardhshme, Tottenhami do t’i bëjë konak Nottinghamit në Londër./GazetaExpress/
