Në Qendrën e Numërimit në Mitrovicën e Jugut po vazhdon procesi i rinumërimit të votave, si pjesë e procedurave paszgjedhore të përcaktuara nga Komisioni Qendror i Zgjedhjeve.
Gjatë këtij procesi është gjetur një fletëvotim pa numër serik, çka përbën shkelje të rregullave të vlefshmërisë së fletëve, raporton lajmi.net
Për këtë ka reaguar edhe deputeti i PDK-se Artan Behrami, ku e cilësoi si krim elektoral procesin e votimit në Mitrovicë.
“Kjo është tjetër dimension i krimit elektoral. Tani është gjetur një fletëvotim pa numër serik! Të shohim në cilin ndërrim është prodhuar!!!”, shkroi ai.
Po ashtu, është konstatuar edhe një rast tjetër ku një fletëvotimi i është ndërruar klasa, çka ka ngritur nevojën për verifikime shtesë nga zyrtarët përgjegjës./Lajmi.net/
- Advertisement -
