Testet e raketave bërthamore nga Koreja e Veriut kanë shkaktuar një tjetër frikë. Frika e një shpërthimi vullkani, i cili është grumbulluar që prej vitit 1903.
Shqetësimi u bë publik nga Bruce Bennett një analiste e mbrojtjes së lartë, e cila në një intervistë për CNN tha se përkohësisht është mbyllur Parku Kombëtar Paekut i shtrirë në kufijtë e Koresë së Veriut dhe Kinës.
“Kjo u bë për t’u mbrojtur nga një shpërthim vullkani i cili qëndron i fshehur në 9 mijë metra lartësi. Ky vullkan është ‘provokuar’ nga lëkundje të shkaktuara nga testimet e raketave të lëshuara nga Kim Jong Un”, tha ajo.
Testet bërthamore të kryera nga Koreja e Veriut kanë shkaktuar dridhje të vogla në Rezervën Kombëtare Natyrore të Changbaishan prej 70 kilometrash, shtoi më tej Bennett.
“Ky mund të jetë një shpërthim absolutisht i madh, duke vrarë mijëra njerëz, nëse jo dhjetëra mijëra koreanë dhe koreanë të veriut. Kinezët prej vitesh kanë qenë të shqetësuar se ai (Kim Jong Un) do të shkaktojë shpërthimin e një vullkani”, tha Bennett.
Rreth 1.6 milionë njerëz jetojnë brenda 62 miljeve të vullkanit, sipas Programit Smithsonian’s Global Volcanism.
