Lidhjes Demokratike të Kosovës pas përzgjedhjes të kandidatit për kryeministër të vendit, tashmë i ka mbetur të propozoj emrat për listën zgjedhore për deputet të Kuvendit të Kosovës- shkruan Periskopi.
Anëtarja e kësaj partie, Melihate Tërmkolli e cila që nga viti 2017 nuk ka qenë deputete e Kuvendit të Kosovës. Periskopi ka kontaktuar me Tërmkollin në lidhje me rikthimin e saj në ulësen e deputetes.
Sipas Tërmkollit nëse LDK do ta vlerësoj dijen, guximin politik e disa tipare të tjera, ateherë kandidimi duhet të jetë ndër të parët.
“Nëse vlerësohet dija, guximi politik, autoriteti dhe integriteti politik kombëtar, kandidimi duhet të jetë ndër të parët, nëse jo, atëherë ta shohim”, tha Tërmkolli për Periskopin. E pyetur se a shpreh gatitshmëri të rikthehet sërish në ulësen e deputetes, Termkolli thotë: “Nuk është veç çështje dëshire është çështje vullneti, kapaciteti e mundësie për të dryshuar gjendjen në vend”, thotë Termkolli.
Tutje, ajo shton se beson në fitoren e LDK’së.
“Besoj në fitoren e madhe të LDK’së, të Vjosës për Kryeministre dhe fitore për Kosovën”, përfundon Termkolli.
