Është raportuar se në shtëpinë e një personi në Pejë, gjatë ditës së djeshme është zbuluar një person i panjohur që qëndronte afër dritares së shtëpisë, i cili me të vërejtur pronarin e shtëpisë është larguar nga vendi i ngjarjes, shkruan Gazeta Metro.
Policia e Kosovës ka njoftuar se pronari i shtëpisë ka vrapuar pas të dyshuarit, i cili kishte shtënë me pistoletë drejt viktimës, por duke mos pësuar ndonjë lëndim.
Ankuesi i është përgjigjur duke shtënë në drejtim të personit të dyshuar, teksa nuk raportohet për të lënduar.
Në lidhje me këtë rast janë njoftuar njësitë kompetente dhe prokurori.
Njoftimi i plotë:
“Ankuesi mashkull K/Shqiptar ka raportuar se te shtëpia e tij ka hasur në një person të panjohur afër dritares së shtëpisë i cili me të vërejtur ankuesin fillon të largohet nga vendi i ngjarjes. Ankuesi vrapon pas të dyshuarit mirëpo i dyshuari nuk ndalet por drejton pistoletën duke shtënë në drejtim të viktimës, i cili nuk ka pësuar lëndim. I njëjti i përgjigjet duke shtënë në drejtim të personit të dyshuar por nuk raportohet për të lënduar. Lidhur me rastin janë njoftuar njësitë kompetente dhe prokurori”.
