Partia e Fatmir Limajt, NISMA, ka mbetur pa një nëndegë. Kjo pasi nëndega në fshatin Likoc të Skënderajt ka shuar aktivitetin e saj, raporton DrenicaPress
Këtë e ka bërë të ditur kryetari i kësaj nëndege, Elmi Hamza.
Lexojeni të plotë njoftimin e Elmi Hamzës, kryetar i nëndegës së NISMA në Likoc të Skenderajt:
NJOFTIM
Nëndega e NISMA Socialdemokrate e fshatit Likoc (Skënderaj)
Ka kohë që zhvillimet në NISMA lënë për të dëshiruar në shumë fusha: qëndrimet jo parimore të liderëve të partisë, udhëheqja e dobët në Ministrinë e Arsimit dhe në Ministrinë e Tregtisë dhe Industrisë, dhënia hapësirë në NISMA përfituesve të deridjeshëm që kanë ardhur nga partitë e tjera etj.
Duke qenë të pakënaqur me zhvillimet në NISMA, qoftë në Skënderaj, qoftë në kryesinë e partisë dhe pas largimit të prof. dr. Bashkim Musliut nga NISMA, në konsultim me anëtarët e kryesisë, Nëndega e fshatit Likoc që nga sot shuan aktivitetin e saj.
Falënderojmë të gjithë ata që na kanë përkrahur dhe na kanë besuar.
Me respekt, Kryetari i Nëndegës, Elmi Hamza
Foto: Elmi Hamza
