Një burrë u vra dhe tetë të tjerë u plagosën jashtë një xhamie në veri të Londrës, pasi besimtarët po dilnin pas takimit për faljen në orëve e vona.
Një kamion u fut qëllimisht mes këmbësorëve, të cilët sapo kishin falur lutjet e Ramazanit.
Dëshmitarë okularë kanë thënë se i dyshuari ishte ndaluar nga vetë njerëzit në vendngjarje, derisa mbërritën forcat e para të policisë.
Një dëshmitar tha për rrjetin televiziv britanik “BBC” se pa sulmuesin të shtypte qëllimisht me furgon “10 apo 15 persona”.
Abdyl Rahman tha se ai dhe një burrë tjetër e hodhën të dyshuarin në përtokë dhe e mbajtën ashtu për 20 apo 30 minuta derisa të mbërrinte policia.
