Së paku 39 persona kanë humbur jetën gjatë një sulmi vetëvrasës në një xhami shiite në kryeqytetin e Afganistanit, Kabul, raporton Anadolu Agency (AA).
Zëdhënësi i Ministrisë së Punëve të Brendshme, Najib Danis, u tha gazetarëve se sulmuesi ka hedhur vetën ne erë brenda në xhaminë “Imam Zaman” e cila u takon shiitëve.
Siç pretendohet, sulmuesi aktivizoi bombën që mbante në vete.
Sipas informacioneve të para, gjatë sulmit kanë humbur jetën 39 persona, ndërsa rreth 45 janë plagosur, prej të cilëve disa me plagë të rënda.
Ekziston frika që numri i viktimave mund të rritet. Ende askush nuk ka marrë përgjegjësinë për sulmin.
