Kryetari i AKR-së në Vushtrri, Nasuf Aliu i cili është edhe kryesues i Kuvendit Komunal të Vushtrrisë, sonte së bashku me strukturën aktive të degës së AKR-së në Vushtrri kanë ngrënë iftar të përbashkët.
Aliu njofton se me prezencën e strukturës dhe dhjetëra aktivistëve, sonte, në një iftar të përbashkët të organizuar nga Dega e AKR’s në Vushtrri, muajit të shenjtë të Ramazanit iu shtua akoma më shumë madhështia.
“Me këtë rast kishte biseda të këndshme e nostalgji për gjithë periudhën më të mirë të kaluar së bashku deri më sot.Organizime të tilla janë veçse të zakonshme dhe bëhen çdoherë nga dega, andaj nuk munguan edhe kësaj radhe.” shkruan Aliu në faqen e tij në Instagram.
“Ndërsa me dëshirën që aktiviteti, devotshmëria dhe angazhimi të ruhet edhe ditëve në vazhdim, urojmë që edhe këto pak ditë të mbetura të Ramazanit të shoqërohen me agjërim të lehtë e të pranuar si dhe me dashuri e respekt vëllazëror. Paqe për të gjithë dhe qofshi nën mëshirën e Zotit!” përfundon shkrimin Nasuf ALiu.
