Blerand Stavileci i PDK-së, dikur ministër, ka shkruar në ‘Facebook” se kudo që ka qeverisur partia e tij, ka nisur një dekadë e re.
Stavileci ka shkruar se gjatë qeverisjes së partisë të tij janë realizuar projekte të mëdha e është bërë punë e madhe.
Ai ka shpërndarë një video në Facebook për sektorin e Bujqësisë, teksa ka shkruar se gjendja në këtë sektor ka ndryshuar rrënjësisht falë qeverisjes së tyre.
Kjo video dhe ky publikim i Stavilecit më shumë përngjan në një fushatë zgjedhore e fshehur, që duket se ka filluar partia e tij.
Periskopi ju sjell të plotë postimin e Stavilecit:
Kudo që ne kemi qeverisur ka nisur një dekadë e re.
Është bërë punë e madhe, janë realizuar projekte të mëdha.
Me besim për t’u zhvilluar, me zhvillim për t’u integruar.
Bujqësia ishte ndër të parat që mori vëmendjen e të gjithëve, atëherë kur pothuajse të gjithë pa dallim nuk besonin në rilindjen dhe reformimin e saj.
Në vazhdim shihni FAKTET se si ka ndryshuar rrënjësisht gjendja në këtë sektor, duke i vënë bazat e një ekonomie që në të ardhmen do të bazohej në prodhim e jo në konsum.
