Vonesa e një fluturimi nga aeroporti i Mulhouse në Basel të Zvicrës, për Prishtinë, ka shkaktuar vonesa dhe pritje të udhëtarëve që kanë pasur të udhëtojnë të dielën përmes kësaj lindje.
Udhëtarët që kanë pasur të shkojnë për në Duseldorf të Gjermanisë, përmes aeroplanit i cili ndalesë e ka të paraparë të ketë edhe në aeroportin e Mulhausit, kanë pritur me orë të tëra për të udhëtuar. Kjo pasi ky fluturim është vonuar për disa orë të tëra për të arritur në Prishtinë, edhe pse e kishte të paraparë të ndodhte në ora 10:40.
Zyrtarë të Aeroportit të Prishtinës kanë konfirmuar për Express vonesën, dhe paralajmërojnë se kjo do të jetë shkas i vonesës së të gjitha terminëve të sotme të kësaj linje ajrore.
Për këtë rast në redaksinë e gazetës janë ankuar edhe disa udhëtarë të cilët thonë se nuk janë të informuar se përse nuk po ndodhë fluturimi.
