15 dhjetori i vitit të kaluar ishte i kobshëm për Mirsad Sylën nga fshati Tërnavc i komunës së Skënderajt.
Një makinë e përplasi për vdekje vajzën e tij, 15-vjecare, Qëndresa Sylen, duke e lënë të vdekur në vend.
E për prindin e Qëndresës së ndjerë s’kan të ndalur fatkeqësit. Sapo kishte rifilluar punën në minierën e Trepcës, pas pushimit që kishte marr për rastin fatkeq që i ndodhi në shtëpi, ai ka pësuar lëndime të rënda në vendin e tij të punës, raporton Drenicapress.info.
Sipas një burimi të gazetës online Drenicapress.info, Syla është lënduar rëndë në punë, dhe për disa ditë ka qëndruar në QKUK. Por pas disa ditësh në spital shëndeti i tij është përmirësuar dhe ai po vazhdon shërimin e plotë në shtëpi, ngase rreziku për të mbetur invalid ka kaluar./Drenicapress.info/
