Në kuadër të manifestimit Epopeja e UÇK-së, sot në Skenderaj ka nisur turneu në volejboll për meshkuj “Kupa Adem Jashari”, transmeton Drenica Press.
Në edicionin e 16-të këtij turneu këtë vit po marrin pjesë KV Shutova nga Kërçova, KV Partizani nga Tirana, KV Prishtina Voley dhe KV Drenica R&Rukolli.
Hapjen zyrtare të turneut në emër të Komunës së Skenderajt dhe Këshillt Organizativ të manifestimit Epopeja e UÇK-së, e bëri Hajriz Koci.
Në hapje pjesëmarrësit i përshendeti edhe Nënkryetari i FVK-së dhe në emër të organizatorit, KV Drenica R&Rukolli, drejtori i këtij klubi.
Turneu do të vazhdojë edhe nesër në ditën e dytë kur do të dihet edhe fituesi i tij.
Finalja e turneut “Kupa Adem Jashari” do të zhvillohet rreth orës 13:00 në Qëndren e Kompetencës në Skenderaj.
