Policia e Kosovës ka njoftuar se të enjten pasdite është arrestuar një i mitur në Skenderaj, raporton Express.
Në shtëpinë e të njëjtit janë gjetur një sasi e konsiderueshme armësh.
Pas bastisjes së shtëpisë të dyshuarit janë gjetur dhe konfiskuar dy pushkë ajrore, një revole, dy pushkë, një tytë pushke, dy thika, dy palë dylbi dhe një boks të metalit.
I dyshuari gjatë bastisjes ka kanosur zyrtarët policorë dhe i njëjti me vendim të prokurorit është dërguar në mbajtje.
