Kandidati për deputet nga koalicioni LDK-AKR-AL Skender Hyseni e ka mohuar kategorikisht hyrjen në koalicion paszgjedhor me PDK’në.
Sipas tij Këshilli i Përgjithshëm i LDK’së i ka vendosur ‘vijat e trasha’ për Partinë Demokratike të Kosovës.
“Më 12 qershor do ta pyesim Këshillin e LDK-së me cilën parti do të shkojmë në koalicion. Këshilli i ka përcaktuar vijat e trasha dhe me PDK s’ka koalicion paszgjedhor, pikë. Më 12 qershor do të shohim koalicionet e mundshme” është shprehur Hyseni në debatin me Jeta Xharrën.
Jeta Xharra ia ka kujtuar Hysenit se të njëjtat fjalë i kanë thënë edhe përpara por që nuk i kanë mbajtur.
Por Hyseni tha se kjo ka qenë për shkak të rrethanave të atëhershme.
“LDK s’do të hynte as në zgjedhjet e kaluara po të mos ishte vendimi i gykatës kushtetuese. LDK ka hy më nje kusht që ta udhëheq qeverinë dhe kjo Qeveri ka shënuar rezultat që si ka pas në asnjë vit të pasluftës” ka thënë ai.
