Mbikalimi dhe një rrethrrotullim në fshatin Tërstenik të Drenasit, duket se ka mbetur vetëm në projektin në letër, shkruan DrenicaPress.
Ngase në punimet që janë duke u bërë, nuk është as mbikalimi e as rrethrrotullimi!
Në këtë fshat kanë vdekur disa persona si pasojë e aksidenteve nga makinat e shumta që kalojnë në këtë fshat.
Banorët kanë ngritur shqetësimin për këtë lëshim të kompanisë, e organet mbikqyrëse shtetëore nuk dimë a kanë reaguar.
Ka reaguar është edhe asambalisti më i zëshëm i VV-së, Sokol Bylykbashi.
Ai në një reagim në Facebook, ka thënë se kompoania duket tu përmbahet planit të rrugës, duke i bërë thirrje edhe organeve shtetërore që të merren më këtë problem, i cili është shumë i madh për banorët e këtij fshati.
Lexojeni të plotë reagimin e Sokol Bylykbashit:
Paralajmërim për operatorin ekonomik dhe organin mbikëqyrës të zgjerimit të rrugës rajonale R102 ( fshati Tërstenik )
Punimet në zgjerimin e rrugës rajonale nga Klina e Epërme deri në Komoran, nuk po bëhen sipas planit të situacionit. Në fshatin Tërstenik, parashihej të bëhej një mbikalim dhe një rrethrrotullim, për të iu mundësuar banorëve qasje në shtëpinë e shëndetit, në shkollë, si dhe në zyrën e gjendjes civile. Edhe pse punimet në zgjerimin e rrugës në fshatin Tërstenik janë në përfundim e sipër, mbikalimi dhe rrethrrotullimi po mungojnë.
Operatori ekonomik që po i kryen punimet në Tërstenik, ka për obligim që ta respektojë planin e situacionit, kontratën dhe paramasat teknike të projektit. Çdo shmangie apo lëshim i operatorit ekonomik ndaj obligimeve kontraktuese paraqet shkelje. Çdo pranim teknik nga organi mbikëqyrës, që bie ndesh me dokumentet që i specifikojnë punët është shkelje. Dhe, nëse përfundimisht do bëhen këto shkelje, unë do t’i denoncoj në prokurori.
