Përpara se Presidenti sirian Ahmed al-Sharaa të hynte në selinë e OKB-së për të mbajtur fjalimin e tij, ai ndaloi për një moment për të përshëndetur mbështetësit e tij që janë mbledhur në Nju Jork.
Sipas mediave të huaja, ata brohoritën me zë të lartë për të dhe valëvitën flamujt e tyre sirianë në shenjë krenarie kombëtare.
Hoda Kasem, 53 vjeçe nga Virxhinia Perëndimore, tha se ndihej vërtet krenare që kishte presidentin e ri sirian në Shtetet e Bashkuara. Ajo shtoi se ndjeu sikur zërat e tyre po dëgjoheshin pasi kishin mbijetuar nga regjimi i Asadit.
“Kaluam shumë dhe është një fitore, është drejtësi ta shohim këtu,” tha ajo për mediat, shkruan A2 CNN.
Ajo tha se dëshiron që ai të deklarojë në fjalimin e tij se Siria është për të gjithë sirianët dhe se ata qëndrojnë të bashkuar.
Zeina Alshahrouh, 19 vjeç, ishte atje me motrën dhe babanë e saj, po aq të emocionuara. Ajo tha se dëshiron të vazhdojë ta shohë al-Sharaa-n t’i japë përparësi ndërtimit të marrëdhënieve me vendet e tjera.
Siç e përmendëm më parë, udhëheqësi sirian e ka transformuar plotësisht imazhin e tij dhe kjo është një provë tjetër për këtë.
