Inaugurimi i autostradës “Arbën Xhaferi”, e cila shtrihet nga Prishtina deri në Han të Elezit, në kufi me Maqedoninë e Veriut, është bërë dje me një ceremoni shtetërore. Punimet e autostradës me gjatësi prej 60 kilometrash që ka urën më të gjatë në Ballkan, i ka kryer konsorciumi turko-amerikan “Bechtel-Enka”.
Përkundër kritikave që ka marrë kompania, nga personat që kanë punuar në autostradë, Bechteli është kujdesuar që të investojë edhe në marketing.
Ata kanë realizuar një video promovuese të punës së tyre. Në këtë video dalin vetëm pamjet e bukura autostradës. Aty shkruhan se kjo kompani ndërton rrugë dhe ura.
Për cilësinë e autostradës ka ngritur pikëpyetje një ish-punëtor i saj. Ai autostradën e ka quajtur të mirë vetëm në pamje dhe të rrezikshme për të qarkulluar, sepse siç shprehet “është e cilësisë së dobët”.
