Nga shembja e objektit të hotel Adriatikut në Mitrovicë një person ka mbetur nën rrënoja. Nga vendi i ngjarjes po raportohet se arsyeja e ndodhjes së këtij incidenti, është se arkitekti u ka dhënë instruksion punëtorëve që ishin duke punuar në ish hotelin Adriatiku, të rrëzonin njërën nga shtyllat e betonit.
Një pjesë e ish hotelit “Adriatiku” është shembur para pak minutash, ku për pasojë dyshohet se një person është zënë nga gërmadhat.
Mësohet se disa punëtorë kanë qenë duke punuar në objektin e ish hotel Adriatikut.
Bëhet e ditur se arkitekti ka dhënë instruksion që të rrëzohet njëra nga shtyllat e betonit të këtij objekti dhe në atë moment ka ndodhur incidenti.
Në vendin e ngjarjes ndodhen Policia e Kosovës, zjarrfikësit, Drejtoria e Emergjencave, Drejtoria e Inspeksionit dhe Inspektorati i Punës.
Sipas Veriu.info, një person i moshës 20 vjeçare ka mbetur nën rrënoja të ish-hotelit, me iniciale V.I.
Para pak minutash ka ndodhur shembja e një pjese të ish hotelit Adriatiku ku disa punëtorë ishin duke kryer punime për renovimin e tij.
Para pak minutash është raportuar se është demoluar një objekt afër hotelit të rrënuar për ta shpëtuar personin nën rrënoja.
