Të paktën tetë persona kanë humbur jetën dhe 11 të tjerë janë plagosur pas një shpërthimi në një makinë në zonën e dendur të Fortit të Kuq në Delhi, raporton Reuters, duke cituar një zëdhënës të policisë.
Sipas zëdhënësit, autoritetet ende po verifikojnë shifrat e viktimave me spitalet e zonës. Shkaku i shpërthimit nuk është konfirmuar dhe hetimet janë në vazhdim.
Zëvendësshefi i zjarrfikësve të Delhit tha se të paktën gjashtë automjete dhe tre auto-riksha u përfshinë nga zjarri si pasojë e shpërthimit.
Kanale televizive indiane raportojnë se në kryeqytet, si dhe në Mumbai, është shpallur alarm i lartë për sigurinë.
