Në Kosovë i ndaluan me ligj, e për këtë arsye, shefat e kazinove po i hapin ato në kufi me Maqedoninë e Veriut, në mënyrë që t’i kenë sa më afër, shkruan Gazeta Metro.
Më 26 mars të këtij viti, Qeveria e Kosovës mori vendim për shfuqizimin e Ligjit për Lojërat e Fatit, gjë që solli reagime të ashpra nga ata që merren me këtë biznes.
Por përtej gjithë këtyre, siç duke është gjetur një zgjidhje tjetër.
Afër kufirit të Kosovës me Maqedoninë e Veriut, janë hapur disa kazino. Metro merr vesh se aparaturat madje, janë tranportuar nga Kosova.
Në një foto të sigurar nga redaksia jonë, mund të shihet që janë vendosur edhe reklama të kazinove.
Kujtojmë që vendimi i Qeverisë ka ardhur pas rasteve të fundit të vrasjeve që kanë ndodhur në kazino, fillimisht në Suharekë dhe më pas në Lipjan./gazetametro.net
