Dega e Partisë Demokratike të Kosovës (PDK) në Drenas , ka promovuar kandidatët për deputetë nga kjo degë.
Kandidati i PDK-së për deputet nga Drenasi, Ferat Shala, ka thënë se ka qenë nder dhe përgjegjësi promovimi i kandidaturës për zgjedhjet e 6 tetorit.
“Qytetarët e Drenasit rikonfirmuan mbështetjen e tyre ndaj Partisë Demokratike me pjesëmarrjen e tyre masovike. Nëse bëhet fjalë për ndonjë sukses timin modest në angazhimet e mia si në luftën çlirimtare, më vonë në punën akademike – shkencore dhe në përgjithësi karrierën time të gjertanishme, kjo u takon qytetarëve. Prandaj, për këtë u jam mirënjohës përgjithmonë të gjithëve.
Faleminderit!”, ka shkruar Shala në llogarinë e vet në “Facebook”.
Përpos Shalës, kandidatë për deputetë të PDK-së nga Drenasi janë: Sejdi Hoxha,
Elmie Plakiqi, Gani Halilaj, Petrit Hajdari dhe Muhamet Gjoka.
- Advertisement -
