Sekuestrohet një autobus i një kompanie nga Lipjani në Prizren, shoferi kishte masë ndalimi për vozitje deri në dhjetor

Policia e Kosovës, ka njoftuar se në Prizren dje në rrugën “Tranziti i Ri”, kanë ndaluar një autobus të një kompanie nga Lipjani.

Pasi kanë verifikuar dokumentacionin, është konstatuar se drejtuesi kishte masë aktive ndalimi për drejtimin e mjeteve motorike deri më 26.12.2025.

“Në zbatim të Ligjit për Trafikun Rrugor 08/L-186, ndaj tij është shqiptuar fletëparaqitje për kundërvajtje, gjobë prej 500 euro, masë ndalese shtesë prej 6 muajsh dhe 5 pikë negative në patentë. Autobusi është sekuestruar. Policia e Kosovës mbetet e përkushtuar në garantimin e sigurisë rrugore dhe zbatimin e ligjit”, thuhet në njoftimin e Policisë. /Lajmi.net/ 

Njoftimi i plotë i Policisë: