James Rubin po vazhdon dëshminë në Gjykatën Speciale, duke folur për konferencën e Rambujesë.
Ai tha se në atë kohë nuk mund të bënin deklarata për pavarësinë.
“Ideja ishte qe nuk mund të bëheshin deklarata specifike për pavarësinë dhe ky ishte thelbi i diplomacisë, për këtë po diksutohetj në rambuje. Ne donim që fuqitë e mëdha të punonin së bashku, jo vetëm SHBA… Albright donte sa më shumë unanimitet te shtetet e mëdha. Ne nuk kishim një qëndrim të qartë sa i përket pavarësisë, na duhej një kompromis që të kalonim në fazën e radhës ku të kishim gjithë botën në anën tonë që serbët të pajtoheshin me marrëveshjen e paqes.”
“Ne përpiqeshim të gjenim një mes të artë”, shtoi ai.
Rubin më pas tha se Thaçi i tha që nëse nuk e përdor fjalën pavarësi do ta konsiderojnë si njeri që ka hequr dorë.
“[Ai tha] po nuk përdora fjalën pavarësi, mua do të më konsiderojnë si njeri që ka hequr dorë nga vendi”, tha Rubin.
