Një person ka pësuar lëndime trupore pas një përleshjeje me djalin e tij në Mitrovicë të Veriut.
Rasti ka ndodhur më 22 gusht, rreth orës 16:15, ndërsa sipas Policisë së Kosovës, babë e bir janë përfshirë në një rrahje.
“Është raportuar për një rrahje në mes të dy personave, babë e bir, si pasojë viktima ka pësuar lëndime trupore”, thuhet në raportin e Policisë.
Viktima ka pranuar tretman mjekësor, ndërsa i dyshuari pas rastit është larguar dhe ndodhet në arrati.
