Ministrja në detyrë e Ekonomisë, Artane Rizvanolli ka thënë se vendimet për liberalizimin e tregut të energjisë elektrike i përkasin Zyrës së Rregullatorit të Energjisë si organ i pavarur.
Ajo ka thënë sa i përket ankesave të bizneseve ato janë duke u trajtuar nga organet kompetente.
“Vendimet për liberalizmin e tregut të energjisë i përkasin ZRrE-së që është institucion i pavarur dhe çfarë do konteste ligjore që mund të ketë, këto janë duke u trajtuar nga gjyqësori dhe ZRrE-ja. Qeveria e Republikës së Kosovës e ka miratuar ligjin që parasheh liberalizimin e tregut në vitin 2015, pastaj Kuvendit i Kosovës në vitin 2016. Tani është çështje e zbatimit”, ka thënë ajo në një deklarim për media.
Gjykata Komerciale të mërkurën ka pezulluar njoftimin për e Zyrës së Rregullatorit për Energji (ZRrE) për liberalizimin e tregut të energjisë dhe caktoi masën e sigurisë deri në një vendim përfundimtar.
