Real Madridi siguron nwnshkrimin e parë për vitin e ardhshëm, e ka emrin Latif!

Real Madridi ka siguruar përforcimin e parë për sezonin e ardhshëm. Bëhet fjalë për mesfushorin e ri ganez, Latif Issman, i cili do t’i bashkohet ekipit të dytë të klubit madrilen, Castilla, në sezonin 2027/28.

Sipas raportimit të “Marca” dhe mediave të tjera spanjolle, 19-vjeçari, i cili aktualisht luan te UD Logroñés, ka arritur marrëveshje me Real Madridin dhe ka nënshkruar kontratën.

Issman ka spikatur me paraqitjet e tij në kategorinë e tretë të futbollit spanjoll, ku është vlerësuar për fuqinë fizike, energjinë dhe aftësinë për të mbuluar hapësira të mëdha në mesfushë.