Qeveria e Kosovës e drejtuar nga Ramush Haradinaj pritet që ta procesojë Ligjin për Prishtinën.
Lajmin e ka bërë të ditur ish- kandidati për kryetar të Kryeqytetit nga AAK, Besnik Tahiri.
Shënimi i plotë i Tahirit:
Ligji i Prishtinës po bëhet realitet!
Sot pata nderin të takoj Kryeministrin dhe ta përgezoj për vendimin që të procesohet Ligji për Prishtinën.
Unë, si në kapacitet profesional e edhe si kandidat për kryetar tash e gati një dekadë, kam punuar dhe lobuar që ky Ligj të kalojë.
Falënderoj të gjithë që kanë qenë në grup punues, kolegë nga komuna e Prishtinës, MAPL, projekti DEMOS, ministritë e linjës dhe Instituti KLGI për angazhimin dhe punën e tyre.
Shpresoj që pas miratimit në qeveri edhe kuvendi të procedojë me shpejtësi. Ka qenë dhe është e papranushme që Prishtina të ketë statusin e komunës sikurse 37 komunat tjera.
Ndërkaq, sipas Kushtetutës (Kapitulli I – dispozitat themelore) i njihet statusi kryeqytet (Neni 13 – pika 1 dhe 2 Kryeqyteti) dhe del si obligim për rregullim me Ligj të veçantë.
Prandaj, e them me përgjegjësi të plotë se fryma Kushtetuese dhe Ligjore e njeh statusin e kryeqytetit.
Rregullimi i deritanishëm ligjor e ka njoftë organizimin vetëm si komunë, e mund të thuhet se një përkufizim i tillë më shumë është simbolik dhe trashëgimi sesa status real rregullativ dhe ligjor.
Urime qytetarë të Prishtinës
Urime Kosovë
