Lidhja Demokratike e Kosovës, në koalicion me AKR-në dhe Alternativën, në zgjedhjet e 11 qershorit, janë renditur në vendin e tretë me 25,79 për qind të votave.
Tashmë është publikuar edhe lista me 30 kandidatët më të votuar të këtij koalicioni, në të cilën më shumë se 50 për qind të votave i ka fituar i nominuari për kryeministër dhe bartësi i listës Avdullah Hoti.
Lista nuk është definitive pasi, më shumë se 100 kuti janë shkuar në rinumërim, gjë që kjo listë është nxjerrë sipas rezultatit të numërimit nga 73% të votave, që i bie se rreth 27% të votave apo më shumë se çereku mungojnë.
Listës i prin Avdullah Hoti, i cili ndiqet nga kandidatja e LDK-së Vjosa Osmani, Driton Selmanaj, ndërsa në vendin e katërt gjendet kreu i AKR-së Behgjet Pacolli.
