Zëvendësministri i Mjedisit dhe Planifikimit Hapësinor, Ferat Shala, së bashku me kryetarin e Komunës së Drenasit, Nexhat Demaku, si dhe deputetin e zonës, Bislim Zogaj, vizituan sot punimet e projektit “Rregullimi i shtratit të lumit Drenica në Drenas faza e II-të”.
Me këtë rast, u konstatua se procesi i realizimit të kësaj faze deri më tani janë realizuar 65 % të punimeve sipas projektit dhe kontratës.
Ky projekt në tërësi është më gjatësi rreth 6 kilometra, duke përfshirë lumenjtë Verbovc dhe Drenica.
MMPH së shpejti do të fillojë me procedurat e prokurimit për vazhdimin e realizimit të fazës së III-të të këtij projekti.
