Më rastin e fillimit të muajit të shenjtë të Ramazanit, kryetari i Komunës së Drenasit, Nexhat Demaku uron të gjithë besimtarët e besimit islam duke ju uruar agjërim të lehtë, harmoni dhe shëndet në familjet e tyre.
Të nderuar qytetarë të Komunës së Drenasit, ju besimtar të besimit Islam, kam nderin dhe kënaqësinë që në emër të institucionit që përfaqësoj dhe ne emrin tim të ju uroj muajin e shenjtë të Ramazanit. Uroj që ky muaj i madhërishëm i Ramazanit t’i gjejë familjet tona në harmoni, mirëqenie, lumturi, dashuri e shëndet të plotë mes njerëzve në ambiente të qeta e frytdhënëse e bindje fetare në përkushtimin e lartësimit shpirtëror. Muaji i shenjtë i Ramazanit, çoftë një muaj i mbar e të kultivoj paqen, respektin e sakrificën midis njerëzve. Të gjithë juve të besimit islam, agjërim të lehtë!.
