Programi Nacional për Rininë është prezantuar sot në Komunën e Skenderajt.
Bëhet e ditur se të gjithë drejtorët e shkollave të kësaj komune janë njohur për së afërmi me përmbajtjen dhe mënyrën e organizimit të garave në dituri, sport dhe në kreativitet kulturor e mendim kritik.
Zëvendësministri i Arsimit, Azem Guri foli në vija të përgjithshme për Programin dhe për mbështetjen që po jep MASHT për jetësimin e tij.
“Ky program përveç që do ta fusë frymën konkurruese e garuese nëpër shkolla, do ta ngrisë edhe cilësinë e arsimit përmes aktiviteteve që do ta ndihmojnë kurrikulën”, tha ai.
Prezantimi i detajuar i Programit Nacional për Rininë u bë nga Gëzim Zeqiri – këshilltar i Koordinatorit Nacional për Kulturë, Rini dhe Sport, i cili sqaroi qëllimin, procesin dhe pritshmëritë e garave në të gjitha nivelet dhe kategoritë e pjesëmarrjes./klankosova.tv/.
