Kryetari i Lëvizjes Vetëvendosje, Albin Kurti, së bashku me kryetarin e Qendrës së Vetëvendosjes në Skenderaj, Hysni Mehani, ka njoftuar se kësaj partie i është bashkuar edhe një anëtar, shkruan Drenicapress.info
Bëhet fjalë për profesorin e njohur nga Drenica, Nezir Bejta.
Në një shkrim në profilin e tij në Facebook, Kurti ka thënë se e kanë mirëpritur dhe përgëzuar profesor Bejtën që iu bashkua Lëvizjes Vetëvendosje.
“Bashkë me kryetarin e Qendrës së VETËVENDOSJE!-s në Skënderaj, Hysni Mehani, e mirëpritëm dhe përgëzuam Profesor Nezir Bejtën për anëtarësimin e tij në Lëvizje. Ai ka lindur në fshatin Klinë e Mesme të Skenderajt. Që nga viti 1988 është profesor në gjimnazin “Hamëz Jashari”, ku ligjëron gjuhën dhe letërsinë shqipe. Së fundmi, profesor Nezir Bejta ishte organizator i Konferencës Shkencore kushtuar 550 vjetorit të vdekjes së heroit tonë Kombëtar Gjergj Kastrioti – Skënderbeu. Gjithashtu, profesor Bejta është edhe bashkëautor i revistës për nxënës “Shkëndijat e Drenicës”, ka shkruar Kurti në profilin e tij në “Facebook”.
