Deputetja e LDK-së, Doarsa Kica-Xhelili ka publikuar një video të tymit të lëshuar nga termocentralet e KEK-ut në Obiliq.
Për këtë video, ajo me ironi ka thënë se nuk na duhet gazi e as termocentralet e reja sepse kemi helm mjaftueshëm, shkruan lajmi.net.
“Nuk na duhet as bashkëpunimi, as kompromisi për President, sepse kemi ego mjaftueshëm. Nuk na duhet as shëndeti besa, edhe ashtu është luks. Mjaftohuni me fjalë “miradije” e thurje patriotizmi, se ndoshta mjafton shërimi i shpirtit”, ka shkruar Kica-Xhelili.
Ajo ka thënë falini, sepse janë të zënë duke mbajtur inate politike e nuk po kanë kohë për luftimin e helmit tënd. /Lajmi.net/
