Një veturë e një kompanie taksi në Prishtinë, ka rënë sonte në kanalin e kanalizimit të cilën e kanë hapur ekipet e Komunës së Prishtinës, në rrugën Fehmi Agani (pjesë e njohur si kafet e vogla).
Por, në këtë rrugë sipas aktivistit të shoqërisë civile, Albert Heta i cili edhe ka publikuar këtë foto, nuk ka sinjalistikë e cila paralajmëron se në atë pjesë janë duke u zhvilluar punime.
Ai ka shkruar se sikur të kishte shtet, Komuna e Prishtinës dhe personat përgjegjës duhet të ishin paditur, shkruan lajmi.net.
“Mandej dikush pret ende prej Shpend Ahmetit diçka te mire për ketë qytet. Nuk ka shtet ne këtë vend se Komuna edhe zyrtaret përgjegjës ishin padite edhe ndjeke penalisht për rrezikun qe e kane krijuar për qytetaret duke mos e sinjalizu edhe rreth vendpunishten ne një vend dendësisht te banuar”, ka shkruar Heta./Lajmi.net/
- Advertisement -
