Skuadra e Prishtinës ka fituar në udhëtim ndaj Ferizajit, ashtu sikurse Feronikeli në ndeshjen ndaj Lirisë.
Prishtina ka mposhtur Ferizajin me rezultatin 0-2, falë golit të lojtarit të tyre më në formë, Meriton Korenica – i cili realizoi në minutën e 27’të të ballafaqimit, dhe perlës së Armend Thaçit në minutën e 80’të – përcjell GazetaBlic.
Klubi i Mirel Josës e dominoi ndeshjen nga minuta e parë dhe kishte disa mundësi tjera shënimi me Mankendan dhe Morinën – por që nuk arritën të mposhtin portieri e Ferizajit, Blakçori.
Në anën tjetër, Feronikeli ka mposhtur Lirinë me rezutlatin 0-4, duke mos gabuar kështu në rrugën për titull.
Dy golat e Kastriot Rexhës, një i Mevlan Zekës dhe një i Dabiqajt i mundësuan ‘Niklit’ fitoren në ndeshjen e zhvilluar në stadiumin ‘Përparim Thaqi’ në Prizren.
Feronikeli mbetet lider në Superligë me 62 pikë – tri më shumë se Prishtina që ndodhet në vendin e dytë.
Ferizaj mbetet në vendin e 10’të me 25 pikë, një më shumë se Liria që pozicionohet në pozitën e 11’të.
