Pak ditë pas kthimit nga Turqia për në Kosovë, ku edhe qëndroi për disa muaj në trajtim, polici i Kosovës, Artur Mrasori u takua me mjekun e syve, Florim Zejnullahun që kishte intervenuar pas lëndimit që kishte marrë Mrasori në aksionin policor në një shtëpi në Zhur të Prizrenit, raporton Gazeta Express.
Këtë e ka bërë të ditur përmes Facebook’ut, mjeku Zejnullahu që ka publikuar edhe fotografi me policin Mrasori.
“Sot pata një takim të veçant, me një njeri të veçant që do ta kujtoj tërë jeten. Me policin Artur Mrasorin të cilin e operova në fillim të këtij viti. Ai ma zgjati dorën edhe kur unë e bëra grusht për ta përshëndetur. Ai me saktësi më goditi dorën. Ai po sheh dhe vazhdon jetën normalisht”, ka shkruar ai./GazetaExpress/
- Advertisement -
