Poshtërohet portieri mysliman që luan në Premierligë: Fëmijët e tij nuk i lejojnë t’i shikojnë ndeshjet në stadium

Portieri boshnjak Asmir Begoviq është lodhur duke dëgjuar ofendime dhe abuzime në tribunat e stadiumeve të Premierligës dhe si pasojë nuk do t’i dërgojë fëmijët e vet për të shikuar ndeshje.

Portieri i Bournemouth, Asmir Begoviq, ka zbuluar se refuzon t’i dërgojë fëmijët në ndeshje futbolli për shkak të ofendimeve të tmerrshme që janë të zakonshme në ditët e ndeshjeve.

32-vjeçari e ka kaluar shumicën e dekadës së fundit në futbollin anglez me Stoke City, Chelsea dhe tani me Bournemouth.

Edhe pse bukën e gojës e fiton duke luajtur futboll, ai e pranon se është e vështirë ta shijosh futbollin si spektator.

“Në shumicën e ngjarjeve sportive, 50 mijë njerëz nuk e quajnë gjyqtarin ‘mut’”, tha Begoviq për Athletic.