Dje ka ndodh një aksident në fshatin Çubrel të Skenderajt. Policia e Kosovës përmes raportit ditor ka dhënë detaje shtesë lidhur me këtë aksident.
Në raport thuhet:
AKSIDENT TRAFIKU ME LËNDIME
Fshati Çubrel, Skenderaj 24.06.2019-15:22. Raportohet për një aksident trafiku që ka ndodhur ndërmjet një automjeti civil me targa vendore me drejtues mashkull K/Shqiptar dhe një autobusi me targa vendore dhe me drejtues mashkull K/Shqiptar. Si pasojë e aksidentit përveç dëmeve materiale, lëndime trupore kanë pësuar të dy shoferët si dhe 8 (tetë) udhëtarët që kanë qenë në autobus. Prej të lënduarve dy meshkuj të mitur K/Shqiptarë si dhe 6 (gjashtë) femra K/Shqiptare, prej tyre katër femra të mitura. Të lënduarit kanë marrë ndihmën e parë në QKMF Skenderaj, QKMF në Runik dhe në spitalin rajonal Mitrovicë, ndërsa dy prej tyre janë dërguar për tretman të mëtejmë në QKUK-së.
