Një aksident i rëndë trafiku ka ndodhur sot rreth orës 18:40 në rrugën rajonale Mitrovicë-Pejë, në fshatin Çubrel, ku janë përfshira dy vetura, njëra prej tyre veturë zyrtare e policies.
Policia ka dhënë detaje rreth aksidentit ku bëri të ditur se bazuar në informacionet e siguruara kanë humbur jetën tre persona civil, përderisa lëndime kanë pësuar edhe pesë persona tjerë, katër prej tyre zyrtarë policor.
“Si pasojë e aksidentit, bazuar në informacionet e siguruara kanë humbur jetën tre persona civil, përderisa lëndime kanë pësuar edhe pesë persona tjerë, katër prej tyre zyrtarë policor.
Njësitë policore dhe stafi menaxhues kanë dalur në vendin e ngjarjes, ndërsa për hetimet dhe shkaqet e aksidentit po merren hetuesit e njësitit rajonal të trafikut rrugor”, thuhet në njoftim.
Sipas burimeve të Indeksonline, zyrtarët policorë që kanë mbetur të lënduar janë: Eldin Redzematovic, Aldis Vrevic Damir Eco dhe Binela Hamzic.
Në lidhje me aksidentin ka reaguar edhe kryetari i komunës së Skenderaj, Fadil Nura, përmes një postimi në facebook ku i shprehu ngushëllime dhe iu urojë shërim të shpejtë të lënduarve./Indeksonline/
