Sulmuesi argjentinas Mauro Icardi mund të rikthehet së shpejti në futbollin italian.
Sipas raportimeve të La Stampa, Torino ka filluar kontaktet me Galatasarayin për transferimin e 32-vjeçarit, i cili aktualisht po kalon një formë të shkëlqyer në Turqi me 5 gola në 7 ndeshje.
Kontrata e Icardit me Galatasarayin skadon në qershor, ndërsa klubi turk po shqyrton mundësinë e shitjes për të ulur shpenzimet. Një rikthim në Itali do të ishte gjithashtu i mirëpritur nga vetë lojtari, që dëshiron të rikthehet në futbollin italian.
Në rast se marrëveshja finalizohet, Icardi do të kthehej në Serie A pas pesë vitesh, aty ku la gjurmë me Interin dhe Sampdorian, duke shënuar mbi 120 gola në elitën italiane.
