Një person është plagosur dje me armë zjarri në rrugën “28 Nëntori” në Prishtinë. Sipas policisë i njëjti është jashtë rrezikut për jetë, ndërsa personi që dyshohet se ka shkrepur plumbat në drejtim të tij, është arrestuar.
Me vendim të prokurorit i dyshuari është dërguar në mbajtje, tha policia, transmeton Sinjali.
“Rruga “28 Nëntori”, është arrestuar i dyshuari mashkull, pasi që i njëjti pas një mosmarrëveshje me armë zjarri ka plagosur viktimën mashkull. Viktima është dërguar në QKUK dhe sipas mjekut është jashtë rrezikut për jetë. Në vendin e ngjarjes janë gjetur tri gëzhoja, ndërsa gjatë kontrollimit të shtëpisë së tij është gjetur një armë zjarri AK-47 me dhjetë fishekë, një gëzhojë dhe një mulli për bluarjen e substancave narkotike. Me vendim të prokurorit i dyshuari është dërguar në mbajtje”, thuhet në raportin 24 orësh të Policisë.
