Plagosja në “Duplex”, suspendohen dy zyrtarë policorë
Inspektorati Policor i Kosovës ka njoftuar se ka rekomanduar suspendimin e dy policëve lidhur me rastin e përleshjes së armatosur që ka ndodhur në afërsi të lokalit të natës “Duplex”, në Prishtinë, gjatë mesnatës së 9 nëntorit, shkruan Reporteri.net
Sipas njoftimit të IPK-së në koordinim me prokurorinë kompetente lënda është duke u hetuar në procedurë të rregullt me dyshimin se është kryer vepra penale “Keqpërdorimi i pozitës apo autoritetit zyrtar” nga neni 414 i Kodit Penal të Republikës së Kosovës.
Në komunikatën për media, është bërë të ditur se suspendimi i G.P dhe I.H do të bëhet deri në përfundimin e hetimeve.
NJOFTIMI I PLOTË:
Inspektorati Policor i Kosovës respektivisht Departamenti i Hetimeve lidhur me incidentin që ka ndodhur më 09.11.2019 në diskotekën Duplex në Prishtinë, ka kërkuar informacione nga Policia Kosovës lidhur me veprimet/reagimet apo mos veprimet eventuale nga zyrtarët policorë që janë ndodhur afër vendit të ngjarjes sipas detyrës zyrtare apo edhe jashtë detyrës zyrtare.
Lexo edhePamje nga koha kur Hashim Thaçi vizitonte refugjatët kosovarë në Shqipëri
Hetuesit e Departamentit të Hetimeve të IPK-së kanë analizuar këto informacione si dhe disa video-incizime që janë siguruar nga kamerat e sigurisë në vendin e incidentit.
Ky rast, bazuar edhe në ligjin të IPK-së është iniciuar sipas detyrës zyrtare (ex officio).
Më 18.11.2019 nga IPK është rekomanduar suspendimi i dy zyrtarëve policorë të Njësive të Specializuara (NJSO – Njësitit Special Operativ) me inicialet G.P dhe I.H deri në përfundim të hetimeve.
Në koordinim me prokurorinë kompetente lënda është duke u hetuar në procedurë të rregullt me dyshimin se është kryer vepra penale “Keqpërdorimi i pozitës apo autoritetit zyrtar” nga neni 414 i Kodit Penal të Republikës së Kosovës.
