Një pjesëtar i Policisë së Kosovës është sulmuar nga një koleg i tij, me ç’rast i njëjti ka marrë lëndime të rënda trupore, raporton gazetametro.net
Ngjarja ka ndodhur rreth orës 3:00 të mëngjesit të sotëm në kafiterinë “Dunjo Moha”, në veri të Mitrovicës.
Lajmin e ka konfirmuar për Gazetën Metro zëvendës drejtori i Policisë së Kosovës në veri të Mitrovicës, Besim Hoti, cili tha se të dy personat i takojnë përkatësisë etnike serbe.
Hoti shtoi se asnjëri nga ta nuk janë pjesë e policisë rajonale të veriut, por të rajoneve tjera, por megjithatë ngjarja ka ndodhur në veri.
Sipas tij, njëri prej tyre ka marrë lëndime të rënda trupore dhe ai gjendet për tretman mjekësor në spitalin e veriut të Mitrovicës.
‘Rasti ka ndodhur në veri dhe njëri prej pjestëarëve të Policisë së Kosvë ka pësuar një lëndim trupor që sipas raportit mjekësor thuhet të jetë lëndim i rëndë (thyrje e hundës)’ ka thënë Hoti për Gazetën Metro.
Hoti po ashtu theksoi se Policia dhe inspektorati po merren me rrethanat e këtij rasti.
