Peshëngritësit të Kirgizisë, Izzat Artykov, i është marrë medalja e bronzit olimpike, pasi ka dalë pozitiv në testin për doping, ka raportuar sot Gjykata e Arbitrazhit për Sport.
Tribunali kundër dopingut i kësaj gjykate tha se sportisti Artykov, që e ka fituar medaljen e bronxtë në peshëngritje deri në 69 kilogramë, është testuar pozitiv në substancën strikninë.
“Medalja i është marrë dhe ai është përjashtuar nga Lojërat Olimpike”, tha ky tribunal.
Izzat Artykov, që është pritur me gëzim të madh në Kirgizi para katër ditësh, është sportisti i parë që ka dështuar në testin e drogës në Lojërat Olimpike në Rio-de-Zhanejro të Brazilit./REL/
- Advertisement -
