Deputetja e Aleancës për Ardhmërinë e Kosovës, Albana Bytyqi, ka ngritur shqetësimin për gjendjen e një pacienti në Qendrën Klinike Universitare të Kosovës, duke publikuar fotografinë e tij me këmbë të lënduara.
Bytyqi ka pretenduar se pacienti po neglizhohet nga institucionet shëndetësore, duke vënë në pikëpyetje trajtimin që po merr në QKUK.
Pas këtij reagimi ka pasuar kundërpërgjigjja e deputetit të Lëvizjes Vetëvendosje, Egzon Azemi.
Azemi ka thënë se rastet individuale nuk duhet të përdoren për të ngritur akuza, duke kundërshtuar mënyrën se si Bytyqi e ka trajtuar këtë çështje.
