Ka përfunduar takimi i thirrur nga kryeparlamentari Kadri Veseli me ambasadorin amerikan Philip Kosnett dhe kryeministrin Ramush Haradinaj, transmeton Gazeta Metro.
I pari që doli nga takimi dhe ndërtesa e Kuvendit ishte ambasadori amerikan dhe më pas edhe kryeministri Haradinaj.
Temë diskutimi në këtë takim mes Kosnett, Veselit e Haradinajt ishte çështja e taksës 100% dhe kërkesa amerikane për tërheqje të këtij vendimi për t’i dhënë shans vazhdimit të dialogut Kosovë- Serbi, transmeton Gazeta Metro.
Takimi nga Veseli është thirrur pas thirrjeve të vazhdueshme nga SHBA’ja për heqjen e masave tarifore të vëna ndaj Serbisë. Ato kulmuan me një letër të SHBA’së dërguar institucioneve të vendit, ku kërkohet që menjëherë të bëhet heqja e tarifës prej 100%, ndryshe rrezikohet edhe miqësia me SHBA’në.
Mbetet të shihet se cili do të jetë vendimi i sotshëm nga ky takim.
